تجربة موبايلي – 7-


وأخيرا وبعد طول انتظار … نكمل المسلسل مرة ثانية

اليوم ما راح أكتب عن شي جديد

حأعطيكم صورة الشعار … واتكلم عن ثقافة مجتمعنا في الشعارات

أول شي لحظة أرفعلكم صور الشعار

:

طبعا … صورة من لوحة علامات المجموعة … والخصومات بسبب ذكر كلمة الجوال بدال كلمة موبايلي

وبجانب لوحة العلامات … كان هذا برج الجوال وكان التنافس على البرج الأطول واللي يتحمل نقل وبرجنا كان الثاني >>>المفروض الأول يا جماعة

وبالنسبة للشعار …

زي ماتلاحظو انا اقترحت ان الشعار يكون بسيط عبارة عن كورة أرضية ظاهر منها السعودية وتكون على شكل جهاز جوال وخارج الكورة في ذبذبات

عاد المجموعة بدأو بالاقتراحات اللي مالها داعي نحط الجوال في دائرة واللي يبغ يحط برج جوال واللي يبا يرسم قمر ومني عارف ايش

وانا احاول أقنعهم يا جماعة مافي داعي ما سار شعار

نجحت في الاقناع في البعض … وفشلت في البعض الاخر

لكن كان شعارنا بسيط مقارنة بالمجموعات الثانية

أتخيلو في مجموعة رسمت دلة قهوة وصحراء وخيمة وغنم وابل ومني عارف ايش

وقالو ان السبب في اختيار هذا الشعار انهم حابين يدلو على كرمهم

>>>والله الشعار كان صورة مو رسمة او شعار

احنا محتاجين نعرف ان الشعار المفروض يكون رمز وعلامة بسيطة جدا عشان ينتشر بسرعة

مثلا شركة نايك الرياضية ( شعارها علامة صح )

شركة والت ديزني ( شعارها عبارة عن ثلاث دوائر تذكرنا بشخصية ميكي ماوس )

شركة جوجل ( شعارها عبارة عن اسمها )

شركة أبل ماكنتوش (شعارها تقاحة ) >>> عشان لا يزعلو علينا الماكيين حطيناهم أول

شكرة مايكروسوفت ( شعارها عبارة عن نافذة مطوية نسبة لنظام تشغيلها وندوز)

وغيرها الكثير من الشركات … لكن للاسف اذا جينا لشعاراتنا حتى لو كانت في قناوات التلفزيون نشوف العجب

عندنا قناوات شعارا اكبر من اسم القناة لو كتبناه

ما يحتاج فلسفة كبيرة في الشعارات …

يلا انتهت حلقة اليوم … انصراف …

وان شاء الله الحلقة الجاية قريب راح تنزل ترقبوها …

واعتذر عن التاخير يا جماعة في الحلقات

شكرا لحسن قراءتكم 🙂

Advertisements

14 تعليق

  1. ههههههههههههههههههههههههههههه

    يا وااد ذكرتني و انا صغير احاول اصمم شعار لمجموعة شركاتي في المستقبل و حاله مو طلع رسمه اخر شي كانه شخبطه

    (تعرف التفكير في الشركات تبين انو عامل وراثي عندي)

  2. شكسبيرويه حبيب قلبي

    نورت والله

    استنى اشوفك اليوم ان شاء الله

    وعاد طبعا لازم تفكر في الشركات ولا يطلعوك من عيلتك

    هههههههههههههههه

    نورت يا سيدي …

    وعاد أصمملك شعار بس تدفع عليه كم مليون لانو حيكون بسيط جدا

    هع هع >>> بديت البزنس

  3. لزيز الشعار 🙂
    ومعاك حق الشعارات احيان تصير لوحة فنية
    مع انه الشعار لازم يكون بسيط ومعبر

    بس حلوة حركة النقصان اذا قلتوا الجوال بدل موبايلي >> تحس انهم يزرعوا التنافس في نفوس موظفينهم ..

    بانتظار الحلقات الجاية

  4. احيانا كثيرة أجلس أقول ف نفسي لما أشوف شعارات الشركات العالمية ..
    بالله كيف جا على بالهم دا الشعار ؟؟
    أعتقد أنو تصميم الشعارات يبغالها دراسة وجلسة مو اي شي ..
    شعاركم كان لطيف بس مو مرة فتاك ..
    🙂

  5. كويس انك راعيت شعورنا كماكيين.. بالنسبه للشعارات اذا حاب اسوي لك شعار كلمني وولا يهمك

  6. 🙂

    فكرت شعارك حلو

    بس تمام عليك ماشاء الله قدرت تقنعهم

    اما تحفه

    أتخيلو في مجموعة رسمت دلة قهوة وصحراء وخيمة وغنم وابل ومني عارف ايش

    ربي يوفقك ويكتب لك الخير قول آمين

    🙂

  7. أهلا مروج 🙂

    هما بالتنقيص يحاولو ينبهونا اننا ما نستخدم المصطلح في المكالمات

    بس يعني انا عن نفسي اشوف انو مالو داعي

    وشكرا لمدحك للشعار 🙂

    هذا من ذوقك ..

  8. هههههههههههههههه

    أيانق شكرا على صراحتك …

    الحمد لله شعارنا كان جيد ولا بأس به

    شكرا على ردك

  9. أفا عليك يا أبو حميد

    اذا ما راعينا شعورك … أجل نراعي شعور مين ؟؟

    بالنسبة للشعار تسلم والله

    حاليا ما نحتاج …

    بس أكيد اذا احتجت ما لنا بعد الله الا انتا 🙂

    ما تقصر والله

  10. أماني …

    أزيدك من الشعر بيت …

    المدرب قلهم الشعار المفروض يكون شي بسيط

    الظاهر المشكلة انهم ما فهمو معنى كلمة بسيط

    بصراحة ندمان اني ما صورت كل هذي الذكريات … مع اني ما احب امشي واصور اي شي

    خيرها في غيرها ان شاء الله

    شكرا لمرورك العطر أماني 🙂

  11. يذكر أن أفضل شعار عالميا هو شعار نايك ( علامة الصح ) لسهولة واستقلاله ، ذكر ذلك الكاتب فهد الأحمدي

    ويأتي بعده بمرحلتين – إن لم تخني الذاكرة – شعار تويوتا …

    الشعار يحكي بدون حرف واحد ، وليس كركتيرا !!!

  12. يا ابني يا صارخ باللهي شيك على تعليقي
    كنت معلقة هنا وشكله طار مع السبام والا حاجة :S

  13. أهلا مشاري 🙂

    وأنا سمعت نفس الشي وأنه أيضا أغلى شعار

    لكن ما أذكر كم أخذ المصمم

    وبالنسبة لشعار تويوتا شهرته مضاعفة عندنا

    حتى أن الطفل حديث الولادة أول ما يخرج من المستشفى لابد انو يشوف الشعار

    ههههههههههههههههههه

    يعطيك العافية أخي على مرورك

  14. يا ماما يا هذو 🙂

    ايش يسوي تعليقك مع السبام ؟

    مع الأسف مو موجود لا مع السبام ولا مع غيرو

    بس انا ملاحظ مشكلة في اكثر المدونات انك اذا رديتي يجبلك صفحة خطأ

    ممكن هذي اللي تسوي اللخبطة

    اذا متصفحك فاير فوكس تسوي ريفريش ( في وقتها ) وبعدين أختاري اعادة ارسال ويمشي معاكي الموضوع تمام ان شاء الله …

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: