وهادي فضايحك يا جدة!!


من كم يوم لما كنت في جدة لاحظت حاجات غريبة جدا في جدة ما انتبهت لاحد اتكلم عنها قبل كدا

وانا حبيت اسكت والم لساني في فمي … لين ما ارجع الشرقية واحصن نفسي كويس وبعدين اطلع الفضايح

أول حاجة … انا دايما كنت اقول للناس … ان جدة فيها أكبر احتياطي حديد في العالم !!

أصلا الحديد اللي في جدة من كثر مهو زايد سوو بيه دوار الحديد ودوار الدراجة ودوار الطيارة ودوار الفلك ودوار الهندسة ودوار الجواد الابيض ودوار الدوارق ودوار المدري ايش … الخ

الغريب في الموضوع اني مريت على دوار الحديد في شارع صاري لقيتو انصرق !!

يا جماعة دوار الحديد معد فيه حديد ؟ هل الحكومة اخذت الحديد ؟ ولا احد جا وسرق الحديد ؟

اشوف ان احتياطي الحديد في جدة بدأ يهبط وهذا مؤشر خطير ان وطنا الغالي يعاني فعليا من ازمات حديد

شي ثاني يضايقني في جدة (مع اني اكره جدة كلها الا حاجة وحدة )

طريقة أمانة جدة في تعذيب السكان …

يا أخوان قصة أصحاب الأخدود تتكرر كثير … والان موجودة في جدة

أمانة جدة بتحفر الاف الأخاديد يوميا عشان سكانها الاعزاء ومافي شارع سواء في الشمال او الجنوب مافيه اخدود

وكل ما تمشي بالسيارة تسمع طااااااااااااع + ألم في البطن + ذراع السيارة تنكسر من الحفر الموجودة في الطريق

غصبا عني كل ما اطيح في حفرة اقول … قتل أصحاب الاخدود

وغريبة ان في كل العالم من حفر حفرة لأخيه وقع فيها … الا في جدة اذا حفرت الامانة حفرة كل السيارات وقعت فيها

طبعا غير ظاهرة الهمر اللي منتشرة في كل مكان

يا جماعة اذا وقفت في اشارة وعديت سيارات الكامري … الاقي سيارات الهمر أكثر

والمشكلة ان السيارات هذي اكثر اللي فيها بنات

عشان تبا الناس يقولولها همر وراكبة قمر !!

وحدة من المدرسات ربي يستر عليها اشترت بتحويشة عمرها سيارة همر واعطتها للسواق عشان يوديها كل يوم المدرسة

الظاهر هذي المدرسة خايفة من البنات لا يغتالوها ولا شي

ومرة شفت سيارة همر وبنات ينطنطو جوتها !!

ما اعرف اذا الهمر يجي فيها نادي صحي ولا ايش الحكاية

ولا ممكن السيارة زحمة ؟

المهم البنات بيسوو رياضة وكاشفين شعورهم وفول ميك اب

واول ما وصلو السوق ونزلو من السيارة

كل وحدة اخدت الطرحة وغطت جزء من شعرها + لثمة تغطي بيها دقنها

ولازم لازم الرقبة تكون مكشوفة الظاهر عشان الحر

ولا الأولاد المحتفلين باسبوع الشجرة ؟!؟

ما اعرف مين زعلهم من الحلاق

غير كدا جدة فيها تكاسي بدرجة مهولة

الواحد اذا وقف في الشارع وجا يتثاوب وحط يدو على فمو لقى نفسو قدام 7 سيارات تاكسي

لكن على اقرب مشوار لازم 15 ريال !!

واذا ما عجبك شغل العداد

هذا طبعا غير الكهرباء الي تنقطع كل فترة من باب التذكير بحرارة الجو … وغير المويا اللي تنقطع من باب تذكير اننا في بلد صحراوي وعلينا بالتوفير …

وآآآآه من جدة

Advertisements

10 تعليقات

  1. ههههه والله كلامك صحيح مليون في الميه.. انا لي اسبوعين في جده و النتيجه

    المساعد الامامي للسياره انكسر
    حجر طايش تسبب في كسر الزجاج الامامي للسياره
    صرت احس ان الجنوط صار بداخلها انعطاف

    و لسه باقي لي شهر،،اله يستر

  2. الله يعينك يا ابو سالم

    والله الحال يعقد ولا في عندنا تامين ضد الشوارع

    وربي يعدي الشهر على خير ونشوف ابو سالم … سالم وغانم 🙂

  3. انت ما تدري
    ان جده غييير
    يعني في كل حاجه غير
    شوارع غير
    دورات غير
    شعب غير
    كشة غير
    لثمه غير
    زحمه غير
    مطبات غير
    البيك غير
    كلو كلو غير
    🙂

  4. لا تشكيلي أبكيلك
    😥

  5. سمنتومة >>يا رب يكون صح 🙂

    نورتي المدونة

    نتمنى جدة تكون غير للاحسن 🙂

    خصوصا انها مدينة مهمة وقطعة من بلدنا

    وأهم شي البيك

    شكرا لمرورك

  6. أرطبون

    الحال من بعضو يا خويي

    شرفتنا بزيارتك يا سيدي

    ونتمنا يكون في تغيير للاحسن 🙂

  7. احسلك ما تتكلم على جده انا احب جده مرررة واتونس باهلها هيا صح زحمة بس حتى زحمتها حلوة

  8. يا لطيف على التهديد

    بس اعترفي انو كلامي صدق

  9. 😦

    هوه كل مكان فيلو حاجات حلوة و حاجات مو حلوة

    نثنق از بيرفكت

  10. اللهم ارحم موتى المسلمين و خفف على الاحياء مصابهم.

    انا كمان طحت في حفرة و انكسر عادم السيارة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: