صفقة العمر … لا تفوتك


هذا الموضوع خاص للأولاد والشباب


وأتمنى من البنات أنهم ما يكملوا قراءة الموضوع (مع ان 99% من اللي يردو عليا دايما بنات )


هذا الموضوع هو عبارة عن صفقة تحتاج لرأس مال بسيط نقول حوالي 200 ألف


وشوية تمثيل مع شوية دراما


وراح تخرج بأرباح مالها أول ولا آخر


في البداية لازم تضغط على نفسك شويا


وبعد كدا الخير راح يجيك


نبدأ بالشرح …


أولا تروح لأبوك وأمك وتبشرهم أنك نويت تتزوج وتطلب منهم يدورولك بنت الحلال اللي أهلها طيبين جدا جدا والبنت الخلوقة اللي من طيبتها وحبها ما ترد الاساءة ويكونوا من طبقات راقية جدا في المجتمع وطبعا الدين امر مهم


بعد كدا تروح في البداية وتغرق البنت بالهدايا وكل طلباتها تتحقق من قبل ما تتمناها


وفجأة وحدة تبدأ تهجم على البنت بانتقاداتك … ولازم تلاحظ ردة فعلها


اذا هجمت عليك وردت ولا اضايقت منك … سيبها على طول مالك خير فيها


اما اذا كانت طيبة وقالت حتحاول وابشر … استمر في هذا المنوال لين ما تحس نفسك مرة زودتها وهيا من طيبتها ماشية معاك


أكيد حتسألني طيب من فين لك المهر وفلوس الهدايا و و و …الخ


هذي يا طويل العمر من رأس المال


المهم نرجع لاختبار طيبة البنت


بعد ما نختبر طيبة البنت ونكتشف انها طيبة لابعد درجة


نختبر اهلها اختبارات بسيطة بس عشان نتاكد اننا في السليم


بعد الاختبارات هذي كلها نروح للخطوة التالية


خطوة الزواج


اتزوجو وروح شهر العسل واذا كان الاب طيب المفروض يتعاون مع ابوك ويشترولكم بيت هدية وانقل عفش البنت وكل شي فيه


ولما ترجعو من شهر العسل بشهر … ودي البنت بيت أمها وقلها اجيكي كمان شويا


وبعد ما تدخل ارسلها رسالة في الجوال … وقلها انتي طالق … وتجيكي ورقة الطلاق لين بيتك


ولا ترد عليها او على احد من اهلها مهما سار … وانتهى الاستثمار باقي عليك تجني الارباح


اول شي عندك بيت مأثث وجاهز وكل شي


ثاني شي عندك دهب البنت … روح بيعو وتجيك بلاوي مو بس قيمة راس المال


وعندك ملابس البنت بيعها او افتح محل ايجار ملابس او اي حاجة


عندك صور البنت … كل ما سرلك شي هددها بفضيحة او اي شي


اذا احد قلك راعي مشاعر وجرحت مشاعر ومن هذا الكلام …


فالبزنس مافيه مشاعر


فيه رابح وخاسر


واخيرا وليس اخرا


انتا مو لوحدك اللي بيسوي كدا ؟


واي احد يجي ينصحك قلو ينصح غيرك


لازم نثبت ان الطيبة عار وغلطة وغباء وتخلف


لازم نثبت ان الاخلاص والوفاء اوهام وسراب


لازم نعقد الناس … ونعلمهم ان الزواج شي كبير


جات علينا بس ؟ عشان غلطنا على أسرة وحدة ؟


طيب غيرنا غلط على أسر وعوائل وعلى قرى ومدن ودول وسلبهم حقوقهم


ولا جات عليك عشانك غلبان وما عندك واسطة ؟


وبعدين مافي قانون يمنع اللي انتا بتسويه … اقصد مافي جهة تنفذ القوانين الموجودة


واذا ابو البنت طيب والعيلة طيبة … راح يبعدو عنك عشان لا يجي منك اكثر


والفلوس خليها تلعب في حياتك واجري وراها وجمعها


واذا مت خليهم يدفنوها معاك


بس المشكلة الوحيدة في هذا الاستثمار …


ايش حتقول يوم الحساب ؟؟!!

Advertisements

4 تعليقات

  1. تحمست مع الفكرة << لعب به الشيطان

    لوما الجملة الاخيرة

    😀

  2. وفرت عيلة لغيرك

    قصدي الحمد لله ماراح اشيل وزرك يوم القيامة

    منور يا علي 🙂

    شكرا على الزيارة

  3. حسبتكـ تتكلم جد ..كنت راح أجزم أن الدنيا مافيها خير ..

    وان الطيبين رااحواا

  4. ارتواء …

    اذا حذفتي السطر الاخير … راح تلاقي الواقع هوا اللي بيسير عند الكثير

    مع الاسف … كثيرين نسو السطر الاخير من واقعهم وضاع المجتمع من حولهم

    والضحية الطيبين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: