نعمة النظر


الحمد لله على نعمة البصر …

أمس رحت أشتريلي نظارة طبية

وأنا نظري جدا جدا ضعيف من ايام ما كنت في الابتدائي

طبعا محل النظارات اللي أتعامل معاه يعرفوني وعميل لهم من سنين طويلة

دخلت المحل واخترت النظارة …

قلي الموظف انتا اخر مرة كشفت كانت في 2006

تحب تكشف الآن ؟

قلتلوا ايوا .. احس نظري ضعف

كلم الدكتور حقهم … ودكتورهم ممتاز جدا الصراحة

دخلت عند الدكتور … وفحص في بالجهاز … لقى الارقام تفجع

وجا يتاكد منها وحطلي النظر القديم وبدا يسالني … اقرالي الحروف ياشاطر …

طبعا انا مو قادر اقرا اي شي

حاول يزيد شويا في النظارة ويغير … مافي فايدة

وكل ما اقلو ما اقدر اشوف ينفجع مرة … لدرجة اني استغربت

طبعا في النهاية سالتو … اشبك مفجوع كدا ؟

طلع السبب ان نظري نقص خلال سنتين تقريبا درجة ونص

يعني عندي عين سارت 6ونص وعين 7 ونص تقريبا

والله يستر من الايام الجاية

على الاقل … الحمد لله اني مازلت اقدر اشوف الاشياء اللي حولي … وفي وسائل تخليني اشوف تمام

وحتى لو ساءت الأمور … الحمد لله انه كانت ليا الفرصة اني اشوف الحياة

Advertisements

6 تعليقات

  1. مشكلة النظر مشكلة .. بس برضو الحمد لله

    طيب ما تفكر تسوي عملية الليزك ؟! بتوقع راح ترتاح كثير ..

  2. ماتشوف شر ..
    والحمد لله ع كل حال ..
    ولاتجلس عاللاب كثير وتقعد قدام التلفزيون وتقرأ في الظلام << بدينا 🙂
    الا في نقطة محيرتني ..
    انا أعرف النظر 6 من 6
    كيف 6 ونص و7 ونص ؟؟
    عندك طول نظر ولا غلطان في الارقام ولا معلومتي غلط ؟؟

  3. يقولو ان جهاز الليزك يشطب العين مرة وحدة

    يا يشطبها للنظر يا يشطبها للانحراف

    انا عندي الاتنين

    غير كدا نظري مرة طايح

    وكلمت الدكتور مرة وقلي ما تصلحلي

    شكلي حروح دكتور مرة تانية عشان على الاقل ما انقص اكتر

  4. جات ماما رقم اتنين

    هع هع هع

    هند …

    لا تخافي كل البيت قاعد ينصحني

    وشويا ويأكلوني جزر

    المهم انا زيك محتار

    وانا لا عندي بعد نظر ولا قصر نظر انا ما اشوف حاجة بدون النظارة بتاتا

    وانا زيك مستغرب على مسألة النظر هذي وسألت الدكتور من 6 ؟

    يقلي ايوا

    وبصراحة مواقف زي كدا الواحد تنصد نفسو عن التفكير ويبدا يشيل هم النظر اللي راح

    لكن المرة الجاية ان شاء الله نسألك واتوقع تكون في مناعة من شيلة الهم

    وربك يسهل ان شاء الله

    أيانق

    شكرا لك على متابعتك 🙂

  5. لاه لاه ان شاء الله ماقدامك الا العافية
    لا تفاول على نفسك بالشر

    بعدين ليش ماتعمل عملية الليزر مو احسن ؟؟

  6. أهلا مروج 🙂

    ما بنفاول ولا حاجة بس الله يستر

    وانا ححاول اروح لدكتور في أقرب وقت ان شاء الله (ممكن مليون سنة) واسأله عن هذا الموضوع

    المشكلة هيا اني ما احب اهتم بنفسي او بصحتي أبدا أبدا

    ربك يعين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: