النساء … مالهومش أمان ،،


أسمع كثيرا من أفواه الفتيات والسيديات وحتى العجائز عبارات مثل … الرجال مالهم أمان


بل واسمع هذه العبارة من أفواه المراهقات ( مع أني ما اعرف من فين جابو المعلومة!! )



وأستغرب … من الذي جعل الرجل بدون أمان (لا نتكلم عن حزام الأمان)


أليس الخطأ يقع على من قام بتربيته ونزع صمام الأمان من رأسه وجعله يرتكب الأخطاء متتاليات دون أن يتم تصحيحه؟


اذا فالخطأ هو خطأ المربي .. ولكن التربية هي وظيفة من ؟


قد تكون الزوجة … وقد يكون الزوج …


لكن الأصوب في وجهة نظري بأنها مسؤولية ” الشغالة” (الخادمة أو الدادا)


وبما أننا مجتمع أصبح مشغولا بالعمل (الذي لا يأتي بتقدم )


فالزوج غارق بقرائة الجرائد في العمل … وشرب أكواب الشاي المجانية


والزوجة مشغولة بأحد ثلاث :

1- مزاحمة الرجال في الوظائف …

وتجدر الإشارة بأن احداهن ” غفر الله لها ولوالديها” قالت :

غصبن عنك … اصلا بعد ما اتعلمنا دا كلو تجو وتحطونا في البيت !!

لله درها من كلمات مؤثرة !!

2- ملاحقة الموضة مع الصديقات ( تندرج جلسات الغيبة والنميمة)

3- قيادة المرأة للسيارة


وهذا الموضوع الى هذا اليوم لا أعلم سر تمسك المرأة فيه !!


ليس لاني منحاز لرأي أو لاخر …


بل لأني أستغرب هذا الاصرار اذا كانت تستطيع تدبر أمورها بدون هذا القرار !!


ولماذا المرأة حزينة من تأخر مثل هذا القرار حتى الآن … وزوجها ينتظر خبر منحة أرض تقع في قلب الربع الخالي من قبل ولادتها!!


يبدو بأنها تحتاج وقتا أطول لتدرك بأن طريقة صدور القرارات لدينا بطيئة … لأنها نظامية مالم تتعدى الـ 120 كلم/ساعة


فالقرارات “موش محتاجة ” تنام في حجز المرور … عشان تتأخر أكثر


فدعوها تسير ببطء أفضل من الا تسير،،


الا اذا احد عنده واسطة!! … وعشان الواسطة … تصدر القرارات بسرعة الضوء


على فكرة ليه الضوء دايما يسرع ومحد اتكلم عليه قبل كذا ؟؟


كل هذا سيتم حله ببساطة … فقط اذا استطاعت المرأة ان لا تنزع “صمام الأمان ” للرجل وان تحسن تربيته


فهذا زمن … ” أمام كل رجل عظيم امرأة مفتولة العضلات “


وبما أنه أسهل للمرأة بأن يتزوج عليها الرجل ” شغالة ” تقوم عنها بكل المهام المنزلية (بما فيها الحمل والرضاعة والتربية)


فهي لا تمانع ما دام الرجل مواظب على دفع فاتورة الهاتف والجوال عفوا والموبايل ( لا يكون الكواليتي يسمعو المكالمة )


فهي سعيدة والرجل أميــــــــــــــــــــــــن

Advertisements

36 تعليق

  1. وفاء .. ولكم باك

    المجموعة اللي انتي سميتيها “كدابين بالفطرة” دولا مو كدابين بالفطرة … دولا مدمنين على الكدب لدرجة انهم ينطبق عليهم حديث الرسول عليه الصلاة والسلام (وما يزال الرجل يكذب وبتحرى الكذب حتى يكتب عند الله كذابا)

    وهذي الطائفة موجودة حتى في النساء

    والأشياء اللي انا ذكرتها موجودة في المجتمع … ومستحيل أي أحد ينكرها

    فقط انكتبت بأسلوب ساخر … ولا يقلل من احترام أحد

    لكن اللي سار ان كل اللي مروا شدتهم نقطة او نقاط معينة … وحاولوا يستخدموها باسلوب “هجمة مرتدة”

    مع أن الهدف من الموضوع الاساسي الارتقاء

    مو مشكلة اذا كان الرجل ولا المرأة على غلط

    أهم شي أننا نطلع بنتائج في النهاية … ونطلعلها حلول ,,, ونطبقها في الواقع

    كان احلى شي في الموضوع … اخراج الشرارة العالقة عند المتواجدين … عادي جدا تنفيس الغضب … وكل احد مننا لازم ينفس عن غضبو

    لكن بعد الغضب هذا … نحتاج نفكر في الموضوع مرة ثانية وثالثة

    وجميل جدا ان التفاعل نسائي … يعني افكاري ممكن توصل

    انتو يا أمهات المستقبل ،،

    هل عندكم القدرة انكم تربوا ابنائكم في المستقبل القريب على انهم يرفعوا راية الوطن ؟

    انكم تجيبو مهندس وطبيب ومعلم وطيار يتقنوا اعمالهم لوجه الله ؟

    هل عندكم قدرة انكم تخرجولنا من بيوتكم أبناء قادرين على تغيير حال الأمة ؟

    أم ننتظر لجيل بناتكم … ممكن يكونوا أجرأ منكم،،

    أو يكون عندهم نوع من البطالة … فيضطروا يرجعوا للبيت قهرا ويربوا … بما انهم فاضيين

    هذي الأسئلة ما عندي اجاباتها … وما اظن احد الرجال يمتلك اجابتها

    عند كل وحدة منكم القدرة على اتخاذ القرار … لان بعد وقت قريب جدا … حتكون هي ربة منزل … زي ما الزوج رب الأسرة

    هل حتحس ان مسمى “ربة منزل” نوع من الشتائم ؟

    اذا كان الجواب نعم … ممكن نسوي زي كندا اللي استبدلوا مسمى “House Keeper” الى ” House Wife” لإرضائكم

    ممكن اختلطت وظائف المرأة والرجل مع بعض

    والبعض يشوف ان التربية للرجال زي ما هيا للنساء

    وضد فكرتي بأن المرأة هي صاحبة أكبر نسبة في التربية

    لأن عندها العواطف اللي تغذي الطفل … الحنان… والعطف

    وتقدر تفهم الطفل بسهوله … غير غريزة الأمومة عندنا

    لو الرجل كان مكانكم … ما راح يبدع في هذا المجال

    تطلبوا من رجل المفروض انه عاش في بيئة خشنة وخارج المنزل … يجلس في المنزل ويكون حنون ؟

    ممكن أطلت ردودي اكثر منكم … حتى عندي ردود اطول من الموضوع نفسه

    لكن لأني أحمل هم هذي القضية … واتسائل عن مستقبلنا … اللي هوا في أيديكم تماما

    عن نفسي … ما تعبت من النقاش

    وان شاء الله موجود دائما … للمناقشين … والمفضفضين

    على أمل تتحرك الضمائر ويطلع النور

  2. معليش ع المداخلة مرة تانية

    أكيد غرضا كلنا من الموضوع الارتقاء ..يمكن تكون شدتنا نقطة وحبينا ندافع عنها لأننا في اعتقادنا انها لازم توضح للطرف التاني كمان ..خاصة انو كان الموضوع في تعميم حبتين ..

    أمس وأنا بقرا مجلة (حياة) كان موضوعها عن عنف النساء ضد الرجال ..افتكرت موضوعك على طول ..
    والرجال ترا بيسووا جمعية اسمها المستضعفين في الأرض دولا اللي حريمهم مبهديلينهم ضرب ..
    على قد ما وجعني قلبي على الحال اللي وصلنا له ..وضعف شخصية بعض الرجال اللي مو قادرين يوقفوا حريمهم عند حدهم..واختلاط أدوار المرأة بالرجل ..
    الا انو بالعكس اتمنى انو نسوي ثورة في مفهوم التربية ونطلع جيل جديد ..زي صلاح الدين واحمد ياسين
    والمدونات دول اللي مروا من هنا اعتقد انو هما البداية لانو كل وحدة فيهم زي مااعرفها فيها كل المؤهلات لدا الشي ..

    يمكن يكون كلامي فيه مبالغات وأحلام شويا ..بس من جد دا الي اتمناه من قلبي

    عن نفسي .
    التربية عندي محا تكون بالبركة ..ولا مع الخيل ياشقرا ..
    واذا اضطريت اخد دورات مكثفة او اقرا كتب معينةفي كل المجالات اللي تساعدني فمحا اقصر ..لانو من جد حالنا سار كغثاء السيل ..

    >>عقل الواحد وكل تميزه اللي صنعه لنفسه ..ماله قيمة اذا ماواجه التحدي في التربية وطلع نسخ منه بنفس التميز دا وطريقة التفكير المختلفة …ولا مو؟؟

    شكرا صارخ ..

    سفانة

    ..

  3. سفانة 🙂

    اعرف ان الكل مهتم بالارتقاء

    لكن الحياة مو كاملة

    وبالنسبة لحلمك … مهو حلمك لوحدك .. حلمنا كلنا

    واللي قريتيه في المجلة هذا جزء من الواقع

    طبعا محذوف منو جوانب … ومضاف نوع من انواع البهارات

    زي اي وسيلة اعلامية

    وزي ما قلتي سبب المشاكل اختلاط ادوار الرجل والمرأة

    بس مو هنا اللي يقهر

    اللي يقهر … لما تشوفي بنات يجوكي ويتكلموا ان المرأة اللي تقعد في البيت هذي متخلفة … والرجال اللي يبغى مرتو تقعد في البيت متخلف … ودليلهم في الموضوع أمريكا والحرية والانفتاح

    وصورتهم عن أن البيت مكان المرأة ان البيت سجن المرأة … وما تطلع أبدا

    الحمد لله أمهاتنا وجداتنا عاشو هذي الفترة … وممكن اي احد يسألهم .. كيف عاشو ؟ وهل كان البيت سجن ؟

    بالعكس كانو يخرجو ويسوو كل شي

    لكن ما يجي المغرب الا وهما في البيت

    وامريكا … اللي مع الاسف الكثيرين فرحانين بيها … كانها بلد الاسلام

    سارت تتوجه وتهتم كثير بخصوص قضية تربية المرأة

    لكن مع الاسف … احنا نقتدي بكل الدول … في الأخطاء

    عندنا اخطاء كل الدول … وزيادة على ذلك عندنا اخطاء مهي موجودة في اي دولة

    والتربية مو موضوع سهل

    التربية حكمة وصبر وبعد نظر

    من الناس اللي اعرفهم واخذو دورات كثيرة في التربية وماشيين عليها بالحرف الواحد

    سرت الاحظ ان اولادهم هما اللي مربين ابائهم!!

    والاباء ملاحظين .. ويقولو لا لا لازم نصبر!

    وكل محد يلاحظ نقطة او شي ويكلم الابوين … طبعا بدون فائدة

    عشان كدا الدورات مهي قران منزل ..

    اللي يدخلها يحتاج يشوف الصح اللي اقتنع بيه ويسويه

    ويبتعد عن الغلط

    سفانة … الموضوع للنقاش … ومفتوح

    يعني مافي داعي للاعتذار في كل مرة تردي … انتي او غيرك

    بما ان هدفنا واحد ولله الحمد مافي مشكلة

    واسأل الله انك تكوني أم صالحة ويرزقك أولاد يبروكي وينصروا الأمة ويحملو رايتها

    انه على كل شيء قدير

  4. …}{ سقاف

    بعد روعه قلمك لا املك تعليق

    كيف أقول للرجل .. } { ماله آمان

    والرجل هذا يمثل

    أبي

    أخي

    زوجي

    آبني

    خال

    عم

    ربما العصبيه تؤدينا لـ أختيار لفظ بالخطآ

    او صدور موقف يؤدي الى اطلاق هذه الكلمه ,,}{ مالهم آمان ..}

    لكن بآلاخير

    وليس تنآقض لما كتبت

    الاحتيآط واجب منهم ..}{

    خآصه في هذا العالم

    واضيف لك

    حتى الفتيآت مالهمشي أمان

    100%

    صآرت تنافس الرجل بمكرها وخداعها

    ..}{

    لله درك

    كم أنت رائع بوصفك

    ..}{ أختك . وريف ..}

  5. الحمد لله … جا احد يفهمني … وبنت كمان

    والحمد لله ان في بنت ردت على الموضوع وما قالت اني متعصب ولا متحيز ولا ولا ولا … الخ

    >>>مايدق احد

    وريف …

    هذي هيا المشكلة

    اتخيلي الرجل او المرأة اللي المفروض يكونو عون لبعض وشركاء في الحياة … حيبدأو يحذرو من بعض

    وحتسير حياتهم … احذر من زوجتك … في اي لحظة ستترك

    المشكلة الأكبر مو هنا

    المشكلة … ليه في رجال ونساء … يقبلو التضحية والمساومة على شريك العمر

    ام هي ثقافة بان شريك العمر رخيص جدا ؟

    اخشى ان تكون الاجابات اعلانا لثقب في المجتمع!

  6. انا ماراح احكي كتير لان الحكي مع ادم على الفاضي
    اولا انو وراء كل رجل عظيم امرئه عظيمه (واتوقع انو في خطاء في كتابتك للموضع يا استاذ ادم والصح الي انا كتبتها مش انت لانك مبين عليك مش صاحي وانت بتكب في الموضع
    اصلا معلومات اضافيه انو ادم بدون حوا ماعاش اصلا وادم بدون حوا ما كان زلمه على قد حالو بس انتو يا جنس ادم انتو ما لكو امان
    وانت ليش حاط حطت حوا ليش صار موقف معك وانخلت اكتير منهن
    ههههههههههههههههههه
    على فكره انت كم عمرك سؤال الك
    وانت مش عارف قيمه حوا
    هههههههههههههههه
    اصلا ادم فاشل في كل حياتو بس الي خلا ينجح حوا الي بتحكي عنها هيك
    يا استاذ ادم
    بتمنى من كل ادم قرء ائي اسمع رئيهم ولا سكتو ما في حكي
    ههههههههههههههههههه
    احنا حوا عارف شو يعني يعني اذا احنا ما نوجدنا على هاي الدنيا انتو يا
    ادم ما الكو وجود اصلا صح
    انا تعليقي كلو ل علشان صارخ بصمت

  7. ههههههههههههههههههههههههههههه

    أستاذة حوا أبشري حرد عليكي أنا طالع دحين

    وبس ارجع أرد عليكي …

    وأعصابك لو سمحتي ما في شي في الدنيا يستاهل الزعل

  8. أستاذة حوا …

    الموضوع مو تسلط على النساء … ومو ثأر بيني وبين مرأة بعينها

    الموضوع هوا بقعة ضوء على المجتمع … بالتحديد مجتمع المرأة

    وسبب اهتمامي بالمرأة ,,, أنك يا أستاذة حوا وغيرك كثير بعد فترة حتسيري أم

    وحتربو الجيل الجديد

    ودوركم في التربية أكبر من دور آدم

    السؤال هو …

    كيف حتربو الجيل الجديد وانتو مشغولين بالاسواق وتاركين مهام البيت على الخدم ؟

    كيف أمتنا ممكن تنهض والعنصر الأساسي اللي فيها اللي هوا المرأة مشغول عن مهامو الأولية

    الموضوع مو تقليل من شأن أحد أو سخرية من أحد

    بس أنكتب بالحرف الساخر فقط لتأجيج المشاعر … ومحاسبة النفس …

    بدال رمي التهم ليه ما نحاسب أنفسنا

    أشكرك على زيارتك اللي نورت المدونة …

    وعلى رأيك الشخصي في الموضوع

    كوني متابعة وأتحفينا بصراحتك المعهودة 🙂

  9. موضوع مثير وتعبير رائع في كتابته ..

    أول شي أقلك هوا إنت من حقك تتكلم عن نقطة تربية الأم

    أنا معاك من ناحية انو مره كتير من النساء ما بيأدوا الواجب

    الأساسي إلا هيا المفروض تأدي كأم يعني وتجي تقول إنها

    تبا تشتغل وتسير تربية الأطفال مو تربيتها هيا تربية الخادمة ,

    الصراحة هادا شي مره مؤسف في مجتمعنا , غير طبعا ازا

    ما كان شغل بس كل يوم التاني وهيا خارجة وداخلة يا

    صحباتها يا السوق ما تقعد في البيت وتكون معتمده على

    الشغالة لو أحد قلها بزورتك في البيت تجي تقول لا عادي

    معاهم الشغالة , للأسف كأنو الشغالة الأم على غفلة ! :S

    (طبعا أنا بتكلم على الأغلبية مو الكل)

    وأنا أكون معاك في دي النقطة ..

    دحين الكلام إلا قلتو هادا من ناحية تربية الأطفال إلا هيا

    تكون وظيفة الأم الأساسية , بس هوا في نهاية الموضوع

    أساسا تربية الأطفال تكون على الأب و الأم بس أكيد

    على الأم أكثر لأنو حنان الأم تختلف عن حنان الأب,

    والشي التاني إزا كانت الزوجة أدت واجبها الأساسي في

    تربية الأطفال وأعطتهم حقوقهم الواجبة عليها إيش إلا يمنع

    إنها تشتغل ؟!

    ممكن في نساء يحبو يشتغلوا . أوكي ليش نمنعهم ؟

    ثالث شي إنت كنت بتقول إنك مستغرب ومنت عارف من فين

    الفتيات والمراهقات بيقولوا (الرجال مالهم أمان) .. أوكي

    خليني أشرحلك

    ممكن لو مسكت وحدة بنت سألتها صح إنو الرجال مالهم

    أمان إحتمال كبير حترد عليك وتقولك ايوه صح يعني هوا الغلط

    مو من تربية الأم ولا الأب , يعني أكيد لا الأم ولا الأب يبغو

    الفكرة تكون عند بنتهم بس إنت لاحظ الزمن إلا إنت في سار

    موضوع إنو الرجال يتزوج على مرتو وبدون سبب نسبة توصل

    فوق 50% وأغلب الأحيان بسببها يحدث الطلاق أو تكون

    المرأة معلقة , يعني بزات إزا كنتو بتقولوا نسبة الطلاق مره

    مرتفعة في السعودية , يعني صح أنا أقلك إنو الدين حلل 2 و

    3 و 4 ممكن يكون في أيام الصحابة كان لو غرض معين أو

    شي زي كدا , بس الرجال في دا الزمن أخدين الموضوع

    لعبة وماسكين إنها سنة عادي , طيب فينو من السنن

    التانية ؟؟!

    دوبو إلا افتكر إنو في شي إسمو سنة !!

    وأكترهم بيتزوجو بطريقة ربنا مو راضي عنها ويجي يقولك حلال

    وطبعا تلاقي مضيع حياتو و مو عامل ولا سنة ويجي يقولك

    مافيها شي دي سنة و هوا أصلا لا داري سنة ولا غيرو بس

    عيونو فارغه .. سوري يعني على الكلمة

    أو يجي يقول الصراحة مرتي الأولى مهي عاجبتني وتفكيرها

    غير تفكيري ومن دا الكلام , طيب ممكن أفهم ليش يكون

    أتزوجها مدام هيا مهي مناسبتو!!

    مو كان شاف وحدة مناسبتو من البداية وانتهينا من دا

    الكلام .. إلا بيسير كلو غلط بنات الناس مهم لعبة والله حراام

    :S

    وبس أخير شي أقلك هوا في نهاية الموضوع

    ما يكمل الرجل إلا المرأة وما يكمل المرأة إلا الرجل ..

    لو يحطوا يد بيد ويساندوا بعض إن شا الله ما تسير مشاكل

    بينهم ويعيشوا حياة حلوه ..

    وأنا هادي هيا وجهة نظري , انتظر وجهت نظرك في ردي

    وعلى فكره هادي كان أول تعليق ليا في المدونة =>

    وسوري ع الإطالة ..

    و الموضوع دا مره كان مهم بالنسبالي شكرا

    و الله يوفقك صارخ .

      • معليش يا ستي حاولت ارد عليكي لكن زي منتي شايفة طلع الكلام رموز وطلاسم

        المهم هذا هوا فك السحر والطلاسم وأهلا بيكي دايما وأبدا :

        طيب يا ستي
        بما انو امي موصيه عليكي فبرد بسرعه مع اني في المطار وداخل من الجوال
        اشكرك انك اتفقتي معايا في نقطه رئيسيه واختلفتي معايا في شي فرعي
        المهم الصراع بين الرجل والمراه صراع ازلي لان ببساطه الاثنين ما يفهمو
        بعض وتفكيرهم
        غير كدا انا اشوف نسب الطلاق والروجه الثانيه سببها تدخل الام والاهل في
        الزواج واقناعهم ان البنت كويسه وحتعجبك بدون ما يهتمو لطلبات الولد
        الاساسيه
        واذا وافقولو على شي استقعدوا للبنت وطفشوها ولا عبوا راس الولد يتزوج عليها
        يعني في النهايه المشاكل اللي يتقوليها سببها الاهل بشكل او باخر
        واذا مو مقتنعه شوفي الاسلام كيف اتعامل مع خلافات الروجين الكبيره وخلى
        الاهل يتدخلو
        وقارني باللي يسير دحين
        تطبيقنا لتعاليم الاسلام والمنطق فيها خلل وجالسين نتبع عواطفنا وتقاليدنا
        مثلا مسالة التعداد
        هل من المعقول اننا نؤمن بكمال الاسلام وفي نفس الوقت نقول التعداد كان
        لسبب معين وهذا السبب مالو دليل شرعي
        اذا شي مالغاه فهو مباح
        وفي نفس الوقت ما ننسى العدل اللي امر الله بيه بين الازواج
        مشكلتنا ان الحل قدامنا لكن نفضل استخدام عواطفنا في كل شي
        سعيد بزيارتك واتمنى تكون المدونه عجبتك

  10. مامتك مرره غاليه عليا .. الله يحفظها ويخليلك هيا (=

    المهم نكمل موضوعنا ..

    أنا أقدر أقلك إنو سبب تدخل الأم و الأهل سبب من الأسباب

    وليس سبب رئيسي

    طيب لو مثلا يكون أتزوج وحده كانت من اختيارو وحدث طلاق

    ولا أتزوج عليها اش ممكن يكون السبب ؟

    حيكون هوا إالا اختارها ..

    يعني برضو أنا معاك المفروض الأم و الأهل يقدروا متطلبات

    الولد الأساسية لأنو مستحيل يقدر يعيش مع وحده مهي

    عاجبتو أو يعني مو زي ما هو يبغى , بس أنا أقلك تدخل الأم

    يعني أكيد هيا حتكون تبغى لولدها أحسن بنت ، فعشان كدا

    حتكون أصرت على الولد على بنت معينه ..

    وبالنسبة لمسألة التعداد أكيد في نهاية الأمر “مباح”

    بس زي ما كنت بتقول صعب تقدر تقنع النساء إنو هوا شي

    عادي , لأنو أكيد كل وحده تتمنى إو هيا تكون وحيده في حياة

    شخص ما يكون أحد معاها ..

    وفي النهاية هوا كل رجال حبكون يعرف مصلحة نفسو زيحكم

    عقلو افتتاح البيت التاني حيبني على خراب البيت الأول ولا لا

    وبس .. الصراحة انا تفكيري مره مشوش من دا الموضوع

    وكويس إني لقيت هنا مجال للنقاش و معلي شكلي حتعبك

    معايا في دا الموضوع بس ع العموم شكرا صارخ

    وما شا الله مدونه رائعة <=

  11. مامتك مرره غاليه عليا .. الله يحفظها ويخليلك هيا (=

    المهم نكمل موضوعنا ..

    أنا أقدر أقلك إنو سبب تدخل الأم و الأهل سبب من الأسباب

    وليس سبب رئيسي

    طيب لو مثلا يكون أتزوج وحده كانت من اختيارو وحدث طلاق

    ولا أتزوج عليها اش ممكن يكون السبب ؟

    حيكون هوا إالا اختارها ..

    يعني برضو أنا معاك المفروض الأم و الأهل يقدروا متطلبات

    الولد الأساسية لأنو مستحيل يقدر يعيش مع وحده مهي

    عاجبتو أو يعني مو زي ما هو يبغى , بس أنا أقلك تدخل الأم

    يعني أكيد هيا حتكون تبغى لولدها أحسن بنت ، فعشان كدا

    حتكون أصرت على الولد على بنت معينه ..

    وبالنسبة لمسألة التعداد أكيد في نهاية الأمر “مباح”

    بس زي ما كنت بتقول صعب تقدر تقنع النساء إنو هوا شي

    عادي , لأنو أكيد كل وحده تتمنى إو هيا تكون وحيده في حياة

    شخص ما يكون أحد معاها ..

    وفي النهاية هوا كل رجال حبكون يعرف مصلحة نفسو زيحكم

    عقلو افتتاح البيت التاني حيبني على خراب البيت الأول ولا لا

    وبس .. الصراحة انا تفكيري مره مشوش من دا الموضوع

    وكويس إني لقيت هنا مجال للنقاش و معلي شكلي حتعبك

    معايا في دا الموضوع بس ع العموم شكرا صارخ

    وما شا الله مدونه رائعة <=

    • معليش على التأخير يا ستي …

      وكل سنة وانتي طيبة

      أحب أقلك شي

      مشاكل الزواج سببها عدم توافق

      سواء في التفكير او الطباع او حتى الخيال

      مرات فرق بسيط بينهم ممكن يسبب موقف حاد

      اذا كان الزوجين مشغولين عن بعضهم وكل واحد مركز على نفسو وناسي ان الشخص الاخر يعاني من مشاكل ثانية راح تكبر المشكلة مع الأيام

      غير ان كل طرف راح يحس ان الطرف الثاني مهمل

      هذا الكلام بقولو لك لأن من صور عدم التوافق هو ان الاهل يختاروا العروسة بدون مراعات ولدهم ايش يبغ

      ممكن الولد يكون قمة في الاخلاق والبنت مافي زيها

      لكن مافي توافق

      ومن يوم ما كل طرف ينسى الطرف الثاني … تبدأ الحياة تتفكك

      الحكمة دائما تجي لما نبعد انفسنا عن العاطفة

      اذا ما كان الطرفين عندهم رغبة في الاصلاح … صدقيني مافي شي ممكن يتصلح

      وكل محاولة للاصلاح مصيرها الهدم بايديهم هما

      مرات ما يكون في يدنا الا اننا نعيش تجربة الفشل هذي ونتعلم منها

      وما نسمح لشي يخلينا نستسلم أو نوقف … حتى لو كانت عواطفنا

  12. هي صدفة و لا صدفة؟؟
    سبحان الله كتبت تدوينة قبل كم يوم عن نفس الموضوع لكن من منظور ثاني :)….

  13. لا عادي يا سيدي …

    وانت بصحه وسلامه..

    وأنا كمان أحب أقلك شي

    إلا بتقولوا كلو صح بس دا الشي يعتمد على الطرفين

    يعني دا الخطأ منهم الإتنين كيف يكون هوا مشغول عن

    مرتو أو هيا تكون مشغوله عن زوجها محد حاسس بالتاني ،

    يعني صح دا أكتر شي يسبب مشكلة بين الزوجين بس

    السبب منهم يعني هما متزوجين مافيها شي لو هوا حس

    منها شي يصارحها في أو هيا كمان تصارحو أنا أشوف انو دا

    الشي يخفف من المشاكل مره كتير ، بس الصراحه ما

    أعرف ليش أحس انو الكلام دا ما لو شغل بتدخل الأهل

    لأنو الكلام الا بتقولو دا مفروض على كل وحده ، لمن تتزوج

    تكون مسؤولة عن زوجها ، وهوا صح كلامك أكيد المفروض

    الأهل يهتموا بمتطلبات الولد بس قصدي لا تلومهم

    ــــــــــــــــــــــــــــــــــ

    اذا ما كان الطرفين عندهم رغبة في الاصلاح … صدقيني مافي شي ممكن يتصلح

    وكل محاولة للاصلاح مصيرها الهدم بايديهم هما

    مرات ما يكون في يدنا الا اننا نعيش تجربة الفشل هذي ونتعلم منها

    وما نسمح لشي يخلينا نستسلم أو نوقف … حتى لو كانت عواطفنا

    دا الكلام مرره عجبني 🙂

    وبس دا الكلام الا عندي

    شكرا لك صارخ 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: