أنا : ماما … انا كم سار لي وانا ولدك ؟
ماما : ايش كم سارلك ولدي ؟
أنا : يعني كم سنة وانا عايش دور ولدك ؟
ماما : ايش كم سنة ؟ قول كم شهر ولا كم أسبوع
أنا : طيب كم يعني …؟
ماما : حملت فيك اول اسبوع زواج … وتاني اسبوع جبتك وتالت اسبوع أخوك واخوك التالت في رابع اسبوع يعني عمرك شهر
أنا : ليه تصغري في اعمارنا يعني ؟!!؟
ماما ببراءة : انا صغرت عمر أحد ؟؟
أنا : بصراحة يا ماما عندي وجهة نظر في هذا الموضوع
ماما : ايش هيا ؟
أنا : لو عندي ولد عمرو 22 سنة حطفش منو كل دي المدة وهوا ولدي ؟
لين متى حيفضل ولدي ؟
فحتقوم تحاول انها توحي لنفسها ان عمر ولدها أصغر من كدا وتعيش هذي الحالة …
زيك مثلا أوحيتي لنفسك ان عمر ولدك شهر وبتعامليني أن عمري شهر
ماما بقرف من الفلسفة : روح وأكتب في المدونة حقتك
Filed under: صرخة صامتة
قاعد تطقطق على راس مامتك الغلبانة
أما انك واحد مفتري خخخ
كويس بتعطيك وجه وتجاوب عليك
بصراحة الطفش عامل عمايله فيك ..
يعني ايش تبغى من الآخر .. تبغى تتبادل الادوار يعني وتخرج اللي في راسك .. قولها من الاخر وريحها
بالله من فين شارع المكرونه ؟ :S
إيه بس..
أمك ما طفشت منك.. إنت الي طفشت من دورك..
وطبيعي تطفش وتتخيلها طفشت..
وطبيعي ما تفهمها.. كل الأولاد ما يفهمو دي الأشياء ويفكرو غلط.. طيب من أمك إنها ما قعدت تشرح لك إيش تقصد بالضبط..
لو شرحت لك لما صدقتها ولقعدت تقول زي واحد قاعد يقول عن أمه إنها بتبالغ في مشاعرها وإنه رجال ما يصير تخاف عليه أو تزعل لو ابتعد وما إلخ…
بتظل طول عمرك زي ما انت سقاف ما تتغير ..
بس انا احيي امك على حبها للتدوين وقالت لك روح اكتب بالمدونة هذا دليل على انها ام متفهمة لعالم التدوين
الله يصبر امك عليك يارب العالمين
هذا كلو عشان تقول لأمك انك كبرت عشان تاخذ الرسالة
الله يخليها لك ويخليك لها ويصلحك ويهديك
يبدو لي ودك الوالده تعاملك على إنك واحد كبير
طبيعي إن الوالد و الوالده مهما كبرو أولادهم يشوفونهم صغار
أعرف ناس البنت عمرها الآن 29 سنه
تزوجت من سنوات و عندها طفلين و ما زالوا يشوفونها انها طفلة و ما يسمونها الا باسم الدلع ما اعترفوا انها كبرت ابدا ولا اعتقد راح يعترفون حتى لو صار عمرها 60 سنه
مساء الفول المخلل
هيا عاد تصدق يا سقاف انه امك قاعدة تمشيك خط
الله يحفظها
ههههههههههههه..
أسلوبك غريب عجيب..
مروج حرام عليكي
أنا أطيب واحد من اخواني
ما شفتي ايش يسوو
الله لا يحرمني منها
شكرا لمرورك مروج
هند
بالعكس هذا مو طفش
هذي محاولة فتح حوار مع الأم
لكن الظاهر طفشت من الحوارات حقتي اللي مافيها مواضيع تناسب المرأة
هع هع
أهلا أرطبون
نورت يا سيدي …
شارع المكرونة تاخد يسار من عند دوار الطيارة واسال عنو هناك
هههههههههههههههه
نجاة …
الأمهات فعلا يبالغو بمشارعهم اتجاه أولادهم
والناس اللي يحبو يتحملو مسؤلياتهم بنفسهم راح يضجرو من هذا الشي
انا بالعكس ما طفشت من أمي
وأحمد الله ان سخرلي هذي الانسانة اللي ساعدتني في أحنك الظروف وأظلم الأوقات
كان سؤالي هذا استفزازي لأمي ومحاولة اني الفت انتباهها
بس كانت مشغولة ومو فاضيتلي
هههههههههه
وحولتني على مدونتي العزيزة
شكرا لك نجاة على مشاركتك وجهة نظرك
مضيعة
الشماتة مو طيبة !!
لا حول ولا قوة الا بالله
هههههههههههههههههههه
الحمد لله أمي تشجعني على الكتابة من الصغر مهما اختلفت الوسائل اللي اكتب بيها
شكرا لك مضيعة
الله يسعدك دنيا واخرة
آمين يا رب
واياكي ان شاء الله
روز …
للاسف ما اقتنعت تعطيني الرسالة
ما قدامي غير التنويم المغناطيسي
هههههههههههههههه
شكرا لمرورك من هنا
أفنان
الحمد لله الوالدة عارفة اني قد المسؤولية
بس انا كنت احاول اني اجذب انتباهها واستفزها من وسط جلستها وهي تلعب السوليتير
ومع هذا كشفتني
هههههههههههههههه
شكلي حدور على طريقة جديدة
هلا مازن
نورت المدونة يا سيدي
انتا ملاحظ … عارفه حركاتي
مشكور على الزيارة ياسيدي والدعوة الحلوة
لولي …
لسه ما شفتي شي
لما أكون طفشان اتسلى على رؤوس الناس المتواجدين حولي
شكرا لمرورك الكريم
يعني موضوع أنه عندك ولد من 22 سنه مو هذا اللي يطفش بالضبط .. اللي يطفش أنه يكون عندك ولد من 22 سنه أسمه عبدالرحمن السقاف !! .. ..
!
الله يخليك لها ويخليها لك
..
ههههههههههههههه
حركات واتعلمنا كيف نحش يا نوف
هع هع
وبعدين يا جماعة نفسي أكتب قصص أخواني عشان تشوفو كيف انا بريء
وشكرا لك على الدعوة الحلوة
الله لا يحرمك من كل عزيز وغالي
يا حلوها أمك! : )
أعطيها مني وردة بيضاء (f) .
طبعا كل رد يستفزني رحت أوصلو لأمي ههههههههه
ونوت على البعض الله يعينهم
هههههههههههه
شكرا لك زينة
شكرا لك بقدر بياض قلبك
هههههههههه
أجلـ مافيهـ إلا إنكـ تدورلكـ على حركة إستفزاز جديدهـ ^_^
الله يخليها لك ويخليك لها
أرجوان
لا تخافي
الحركات ما تخلص
الله يصبرها عليا ولا يحرمني منها
شكرا لك
آمين يا رب
شكرا لك يا حنان
الله يوفقك دنيا واخرة ولا يحرمك من كل عزيز وغالي
هههههههههههههههههههههه
الله يخليها لك
الله يسعدك ويسلمك
ويخليلك كل غالي
شكرا هذيان
ههههههههههههههههههههه من صدق طفشتني معاها // قول انك تبي تطلع من البيت بدري بدل هاللف والدوران
مستحيل ابا اطلع من البيت
لكن … ما اعرف ايش اقول
شكرا لك مفنودة